2019/10/09
අප පාසලට මෑතකදී එකතු වූ නව ගුරුභවතුන් සදහා සුහුරු පාසල් සංකල්පය හදුන්වාදීම හා Microsoft Educator Community හදුන්වාදීම අද දින පාසල් වේලාවෙන් පසු පැවති පුහුණු වැඩමුළුවකදී සිදුවුණි. මේ සදහා ගුරුභවතුන් 14 දෙනෙකු පමණ සහභාගි වූ අතර සුහුරු පාසල් කණ්ඩායමේ මනෝජ් ධනංජය, සචිත්‍රා ප්‍රභානි සමින්දිකා, මේනකා මධුසංඛා හා අමාලි හසන්තිකා යන නියෝජිතයන් සම්පත් දායකත්වය ලබා දුන්හ.
මුලින්ම සුහුරු පාසල් සංකල්පය හදුන්වාදීමක් සිදු කල අතර පසුව පහත සදහන් ක්‍රියාකාරකම් සිදු කරන ලදි.
- විද්‍යුත් තැපැල් ගිණුමක් නොමැති ගුරුභවතුන් සදහා ගිණුමක් නිර්මාණය කිරීම.
- විද්‍යුත් තැපැල් ගිණුම් පරීක්ෂාව හා පාසල සමග සන්නිවේදන කටයුතු සදහා එය යොදා ගත හැකි ආකාරය සාකච්ජා කිරීම.
- පාසලේ නිල විද්‍යුත් තැපැල් ගිණුම හදුන්වා දීම.
- සුහුරු පාසල් ක්‍රියාකාරකම් පිළිබද කරුණු සන්නිවේදනය කරන පාසල් බ්ලොග් අඩවිය හදුන්වාදීම.
- Microsoft Community හදුන්වාදීම හා එහි වැදගත්කම පැහැදිලි කිරීම.
- Microsoft Community තුළ ගිණුම් නිර්මාණය කිරීම.
මෙහිදි අද දිනය තුළ ගුරුභවතුන් සියළු දෙනා ගිණුම් නිර්මාණය කර ගන්නා ලදි.
- Microsoft Community තුළ ඇති පාඨමාලා හදාරණ අයුුරු, ලකුණු (points) හා ලාංජන (badges) උපයා ගන්නා අයුරු සාකච්ජා කිරීම.
- ලකුණු (points) හා ලාංජන (badges) උපයා ගෙන Microsoft Innovative Educator Expert (MIEE) කෙනෙකු වන අයුරු සාකච්ජා කිරීම.
මෙම වැඩසටහන සදහා සකස් කරන ලද විස්තර පත්‍රිකාව මෙසේය.
 |
ඉදිරි දිනවලදී මෙම පුහුණු වැඩසටහනේ තවත් අදියර පැවැත්වීමට නියමිත අතර එහිදී සුහුරු පාසල් සංකල්පය පාසල තුළ භාවිතය සම්බන්ධව සාකච්ජා කිරීමට නියමිතය.
